معطيات جديدة على رسالة سانشيث لمحمد السادس. ترسلات ف14 وبعد 5 ايام عاد خرج بيان الديوان الملكي

نشرت يومية "ال باييس" نص الرسالة اللي رسلها رئيس الحكومة الاسبانية بيدرو سانشيت للملك محمد السادس وفيها رغبة فصفحة جديدة بين الرباط ومدريد. نفس الرسالة فيها موقف واضح من قضية الصحرا من قبل الحكومة الاشتراكية. هاد الدولة اللي ديما كتدعم الانفصاليين خدات مسافة وبدات تشوف ان لا حل الا تحت السيادة المغربية.
هاد الرسالة كما يظهر فالرسالة بعثها سانشيت نهار الاثنين 14 مارس الاخير. القصر الملكي خرج بيان فيها بعد 5 ايام اي حتى لنهار الجمعة 18 مارس.
الرسالة فيها تقديم وخاتمة و5 فقرات فيها افكار حكومتو لبناء علاقة جديدة مع المغرب. وسالاها بتوقيعو
الرسالة رد ايجابي اسباني على ما سبق للملك محمد السادس ان تطرق ليه فخطاب ثورة الملك والشعب ف20 غشت 2021. كان رئيس الدولة دعا الى "تدشين مرحلة جديدة وغير مسبوقة، في العلاقات بين البلدين، على أساس الثقة والشفافية والاحترام المتبادل، والوفاء بالالتزامات".