كارثة اخرى كانت غادية توقع فبوركون. العافية بكاراج ديال الطونوبيبلات حولوه لمعمل البونج: السكان والقايد خاصهم المحاسبة

بوركون كانت غادية تكون فيه شي كارثة اخرى. البارح فزنقة بن المعلم قرب حمام الاندلس ببوركون بالبيضاء شعلات العافية فكاراج تحول لمعمل ديال الاثاث والبونج. حسب مصدر ل"كود" فان الكاراج كراوه سكان العمارة لواحد الصنايعي كان فزنقة ماشي بعيدة وجراو عليه السكان. هاد الشخص حصل على ترخيص من القيادة اللي ماشي بعيدة عليه وحول الكاراج لمعمل ووسائل السلامة منعدمة تماماً
الكارثة هو ان المعمل فيه البونج واللواط والكولة...يعني غير المواد القابلة للاشتعال. فهاد القضية السكان والقايد ولمقدم كيتحملو المسؤولية. كيفاش سمحو لكراج بولي معمل وكيعرفو استحالة السيطرة على الحرائق فكاراجات؟