يحيى جبران: ماتش الوداد والترجي قمة الكورة الإفريقية وغنربحوهم باش نسهلو علينا الروتور فتونس

أكد يحيى جبران لاعب الوداد الوداد الرياضي أن ماتش دومي فينال السوبر ليك الأفريقي هو قمة أفريقية بامتياز بين جوج فرق كبار فلافريك، وان الحمرا غتدخل باش تربح غدا الاحد وتسهل الماتش ديال الروتور فتونس.
وتحدث كابيتان الوداد الرياضي يحيى جبران فتصريح لموقع "كود" قبل الماتش بين الواك والترجي التونسي وقال: "هذا الماتش كبير بين جوج فرق كبار فالقارة الأفريقية، وجدنا له مزيان وكلشي اللاعبين متحمسين وواجدين للمباراة واللي مهم فيها يكون الأداء والروح الرياضية ونعطيو وجه زوين على الكورة الأفريقية".
وكمل يحيى جبران ووضح: "خدمنا على جميع الجوانب باش نربحو الماتش ديال غدا وحسموه لنصلحتنا اللي خلينا نلعبو ماتش الاياب وحنا مرتاحين ونسهلو علينا بأكبر شكل ممكن".
وشدد يحيى جبران: "كثرة الماتشات كتأثر على اللاعبين ولكن فبحال هاد الماتشات كتنسا كلشي سوا العياط او اي حاجة واي واحد كيتمنى يلعب هذا الماتش والهدف ديالنا نديرو مباراة كبيرة قدام جمهورنا وفالتيران ديالنا".