جبران: الوداد واجدين لماتش انييميا وخا ماشي ساهل والنيجيريين باغيين يديرو نتيجة مزيانة فتيرانهم حيث خايفين من دونور

أكد يحيى جبران الكابيتان ديال الوداد الرياضي ان الفريق واجد لماتش ذهاب ربع نهائي السوبر ليك الافريقي ضد انييمبا النيجيري، واللي ما غيكونش ساهل حيث النجيري باغيين يديرو نتيجة ايجابية فبلادهم قبل الروتور فكازا.
وتحدث يحيى جبران فالندوة الصحافية اللي كتسبق ماتش الوداد الرياضي وإنييمبا اللي غيتلعب غدا الاحد فنيجيريا، وقال أن الفريق واحد ومستعد لمواجهة الفريق النيجيري، وغيعطي كاع اللي عندو فالسوبر ليك الأفريقي باش الجمهور ديالو يكون فخور به.
وزاد وضح يحيى جبران بخصوص ماتش غدا بين الوداد وإنييمبا، وقال بلي المباراة ما ساهلاش مع النيجيريين، حيث حتى هما باغيين يديرو شي نتيجة مزيانة فتيرانهم حيث عارفين قوة الوداد فستاد دونور وسط الجماهير الودادية.