موعد سفر الوداد لنيجيريا باش يلعبو مع إينييما تبدل

ما بقاوش الوداد الرياضي مسافرين غدا الخميس لنيجريا، وغيبقاو حتى الجمعة عاد يمشيو، حيث اللجنة المنظمة للسوبر ليك ما قدراتش توفر فول ديريكت للفريق.
وغيشدو الوداد الرياضي الطيارة الجمعة الجاي من مطار محمد الخامس بالدار البيضاء مع 7 الصباح، إلى مدينة بورهاركوت النيجيرية، ومنها إلى مدينة أويو اللي غيتلعب فيها الماتش ضد فريق إنييمبا النيجري.
ومن المنتظر ترجع بعث الوداد الرياضي مباشرة بعد نهائى ماتش ذهاب ربع نهائي السوبر ليك الأفريقي امام أنييما يوم الاحد الجاي، والاثنين تكون فالمغرب باش توجد لماتش الاياب اللي غيتلعب فكازا السيمانة الجايا.