مدرب إنييمبا: غنمشيو لكازا نتقاتلو مع الوداد فتيرانهم

اعتبر مدرب إنييمبا النيجيري جورج فيندي، أن نتيجة الماتش ما بين الفريق ديالو والوداد الرياضي اللي كانت للأخير بواحد لزيرو، ضمن ذهاب ربع نهائي السوبر ليك الأفريقي، (اعتبر) أنها ما كتعكسش النيفو اللي قدم إنييمبا فالماتش، وأكد أن الفريق غيجي لكازا يتقاتل باش يتأهل.
وتحدث مدرب إنييمبا بعد الماتش مع الوداد الرياضي وقال: "النتيجة ديال الماتش ما كتبينش النيفو اللي لعبنا به، جاونا فرص مزيانين فالشوط الأول من المباراة، حاولنا نماركيو حنا الأولين ولكن ما قدرناش، وكون ماركينا الفرص اللي جاونا كنا عنبدلو الماتش".
وبخصوص ماتش الروتور فكازا قال مدرب إنييمبا: "ماتش الروتور غيكون صعيب حيث ملعوب فتيران الوداد، ولكن غنطورو النيفو ديالنا، وغنتقاتلو فالتسعين دقيقة د الماتش ونحاولو نستغلو الفرص اللي غيجيونا".