زينباور مدرب الرجاء: لعبنا زوين ضد الماص اللي عندهم فريق مزيان.. اللاعبين الجداد خاصهم ينساجمو كثر ومستوانا غيربحنا الماتشات الجايين

اعتبر الألماني جوزيف زينباور مدرب الرجاء الرياضي أن الفريق لعب مزيان أمام المغرب الفاسي، البارح الاحد، فتيران فاس الكبير برسم الدورة 3 من البطولة الاحترافية، وأن التعادل مزيان للفريقين.
وتحدث جوزيف زينباور، بعد تعادل الرجاء الرياضي والمغرب الفاسي، وقال: "لعبنا زوين ضد خصم مزيان، ضغطنا من الأول وقدرنا نخلقو فرص ديال التسجيل.. كان صعيب علينا نرجعو فالماتش فالشوط الثاني وكان علينا نلقاو الحلول، خصوصا وحنا لاعبين ضد خصم مزيان، وقدرنا نماركيو التعادل".
وأكد مدرب الرجاء: "خاص اللاعبين يعطيو كثر باش نربحو الماتشات الجايين، واللاعبين اللي جاو للفريق مؤخرا، مازال خاصهم الانسجام مع الكروب لتحقيق الانتصارات وهذا الشي ماشي ساهل، بصح ما ربحناش فالجوج ماتشات اللي فاتو ولكن بهذا النيفو غنربحو فليماتش الجايين، وراه الماص كانو مزيانين اليوم".