عبر جوزيف زينباور مدرب الرجاء الرياضي على الفرحة ديالو بالرباح اللي حقق الفريق على يوسفية برشيد اليوم الاحد فبرشيد، برسم الدورة الاولى من البطولة الاحترافية لكرة القدم. وتحدث جوزيف زينباور بعد نهاية الماتش بين الرجاء ويوسفية برشيد وقال: "ماشي ساهل يتماركا عليك هدف بكري فالماتش، واخا هكاك قدرنا نرجعو فالمباراة وربحناها وهذا الشي ما شي ساهل". وزاد زينباور وضح وقال: "برشيد لعبو بزاف اللور وقواو دفاعهم، ولكن قرنا نلقاو الحلول، وكنا مزيانين وربحنا 3 بوان مهمة، وهذا زوين بالنسبة لنا ومكونات الرجاء". وحقق الرجاء الرياضي الفوز على فريق يوسفية برشيد فأول ماتش له هذا الموسم بنتيجة 3 لواحد، ضمن الجولة الاولى من البطولة الاحترافية.