لاعبو الرجاء: الفوز على بلوزداد مهم وغيقربنا من التأهل ويخلينا نمشيو مزيان فكوب داراب باش ندافعو على اللقب

عبر لاعبو الرجاء الرياضي على الفرحة ديالهم بالرباح اللي حقق الفريق على شباب بلوزداد الجزائري، اليوم الجمعة فأول جولة من دور مجموعات كأس العرب بمدينة أبها السعودية، وأكدوا أنه رباح مهم غيخليهم يلعبوا الماتش الجاي لحسم التأهل إلى الدور المقبل، ويكملو حملة الدفاع على اللقب.
وتحدث لاعب الرجاء الرياضي محمود بنتيك بعد الفوز على شباب بلوزداد الجزائري بنتيجة 2 لواحد وقال فتصريح له: "ربحنا 3 بوان مهمة بزاف غتقربنا من التأهل وكنشكر اللاعبين اللي تقاتلو الماتش كامل والطاقم التقني مازالين لينا 2 ماتشات والمباراة الجاية غنلعبو باش نحسمو التأهل".
أدم النفاتي اللاعب الجديد د الرجاء اللي مازال ما مكونفوكيش شارك صحابو فرحة الرباح وقال: "ملي كتبدا المسابقة برباح زوين فهدشي غيخلينا نكونو مزيانين فالبطولة، وكنشكر اللاعبين والمدرب اللي كيقدمو عمل كبير باش يفرحو الجماهير وهذه غير البداية ومازال غنقولو الكلمة ديالنا باش ندافعو على اللقب ويبقى ديالنا".