شيبا: حنا المغاربة غنلعبو ماتش الكرة مع الجزائر ماشي جايين ننتاقمو منهم بعدما تعداو علينا فكوب دراب

أكد الناخب الوطني سعيد شيبا مدرب المنتخب المغربي لأقل من 17 عام، أن الأخير جاي باش غيلعب ماتش الكرة مع الجزائر فربع نهائي كأس إفريقيا للفتيان ماشي جاي ينتقم بسباب الأحداث اللي عرفها فينال كأس العرب والاعتداء اللي تعرضو له اللاعبين المغاربة بالجزائر.
وتحدث سعيد شيبا في تصريح له قبل ماتش المنتخب المغربي والجزائر وقال: "كنوجدو لمباراة الجزائر بحال جميع ليماتش اللي دازو، والماتش ضدهم غدا مختلف عن فينال كأس العرب، والماتش غيتلعب على ديطاي صغار، وهدفنا تأطير اللاعبين الصغار ماشي الانتقام، راه الاولاد لاعبين هنا باش يتعلمو ويتكونو وكذلك التأهل للمونديال".
وختم مدرب المنتخب المغربي وقال: "حنا ما غنتأثروش بضغط الجمهور، راه لابريسيون غتكون على المنتخب الجزائري، واللاعبين ديالنا مطالبين أنهم يبقاو يلعبو بالنيفو ديالهم، غنلعبو ماتش عادي ضد الجزائر وما عندنا مناش نخافو".