الكبير مدرب الرجاء: التحكيم فيه شوية الشك وديما كان ضدنا وها حالة الفريق قبل ماتش الأهلي

تشكى التونسي منذر الكبير مدرب الرجاء الرياضي من التحكيم من بعد ماتش الفريق مع شباب السوالم برسم الدورة 23 من البطولة الاحترافية لكرة القدم، واللي سالا بالتعادل السلبي زيرو لزيرو وعرف طرد 2 د اللاعبين من الرجاء وتضييع السوالم لضربة جزاء مع تألق حارس النسور أنس الزنيتي.
وتحدث منذر الكبير من بعد ماتش الرجاء والسوالم وانتقد التحكيم وقال: "دخلنا مزيان فالماتش وبروح الرباح ولعبنا في مناطق الخصم وخلقنا بزاف د الفرص وكنا نستحقو نخرجو واحد لزيرو.
اللاعبين فبداية الماتش ما قصروش حتى جا البيلانتي ديال السوالم وتطرد عبد الإله مذكور، راه ديما كانت قرارات تحكيمية فيها شوية الشك ضدنا وماشي فصالح الرجاء وللأسف كيغيرو نتيجة الماتش وتأثيرهم كبير على السكور".
وزاد الكبير وضح الأجواء داخل الفريق مع اقتراب ربع نهائي عصبة أبطال إفريقيا أمام الأهلي وقال: "باش تكمل الشوط الأول ناقص من لاعب وفالشوط الثاني يتطرد رؤوف بنغيث بسبب احتكاك وفالمناطق ديال الخصم وفالفيستيير اللاعبين كيعانيو من الإصابات وفيها اللي خطيرة، ليماتش كيتلعبو على ديطاي صغار ومع الأسف هذه الجزئيات ديما ما كيكونوش فمصلحتنا، مازال لينا أسبوع قبل ماتش الأهلي المصري بربع نهائي عصبة أبطال إفريقيا وغنوجدو له مزيان".