هذي هي تشكيلة الرجاء ضد الوداد فديربي كازا

قرر التونسي منذر الكبير ما يغامرش فماتش الديربي ضد الوداد الرياضي اليوم الأحد فمؤجل الجولة 6 من منافسات البطولة الاحترافية لكرة القدم، ويحافظ على نفس اللعابا اللي لعبو ليماتش اللي فاتو.
وغادي يدخل الرجاء الماتش ضد الوداد بتشكيلة الحارس أنس الزنيتي، وفالدفاع الهدهودي، وجمال حركاس، وبن التايك، والناهيري، وفوسط الميدان اوهولو، والصبار، وزريدة، وبنغيت، وفالهجوم ومايي، وبوزوق.
وغادي يبغي الرجاء الرياضي يحقق الرباح فالديربي على الوداد الرياضي، ويؤكد الصحوة ديال الفريق من بعدما ربح الماتش اللي فات حسنية أكادير، ويقترب أكثر من مقدمة الترتيب.