عبوب: الرجاء ماركاو علينا 4 حيث اللعابا ديال السوالم الترخاو

عبر زكرياء عبوب مدرب شباب السوالم على الغضب ديالو من اللعابا ديال الفرقة من بعدما خسرو بنتيجة 4 لواحد مع الرجاء اليوم السبت، فالجولة 8 من البطولة الإحترافية لكرة القدم.
زكرياء عبوب شاف بلي الخسران مع الرجاء منطقي ولكن ما تقبلش الطريقة حيث سوالم دار فنظرو أخطاء كثيرة فالماتش شي اللي ستغلوه اللعابا ديال الخضرا.
وقال زكرياء عبوب من بعدما سالا الماتش: كاينين لعابا اللي ترخاو ومطبقوش التعليمات كيفما تعطاتهم وتماركاو علينا أهداف بسداجة، وكنا كنتمناو نتوقف البطولة وحنا متعادلين ماشي خاسرين، واليوم ماقدرناش نفرضو اللعب ديالنا وكنا ضعاق فبزاف الفترات من الماتش، وحنا فرقة كتلعب على البقاء ولعبنا مع الرجاء اللي كتلعب على البوديوم".
الهزيمة ديال شباب السوالم خلات الرجاء الرياضي يوصل عليه فالمركز الرابع مؤقتا برصيد 12، فانتظار يساليو ليماتش اللي باقين من الجولة 8.