الوداد غادي يلعب ماتش أميكال قبل ما يواجه وجدة

غادي يلعب فريق الوداد الرياضي ضد شباب السوالم ماتش أميكال قبل ما يلعب مع مولودية وجدة الويكاند اللي جاي فالجولة 7 من البطولة الإحترافية لكرة القدم.
وقرر الطاقم التقني للوداد بقيادة الحسين عموتة يوجد الفرقة لمباراة مولودية وجدة فماتش أميكال ضد شباب السوالم اليوم الثلاثاء، مع عودة اللعاب ديال الحمرا للتداريب بعدما استفدو من يوم راحة ملي ربحو ماتش الديربي ضد الرجاء الرياضي الأحد اللي فات، مع العلم أن الماتش ضد السوالم غاب يلعبوه اللعابا اللي ما شاركوش فالديربي.
للإشارة فالوداد الرياضي صبح كايتصدر البطولة الإحترافية لكرة القدم، من بعدما ربح الديربي رفع رصيدو ل 14 نقطة، بفارق 3 نقاط على أقرب المطاردين، مع العلم أن الحمرا غادي تسافر لوحدة باش تلعب نهاية السيمانا ضد المولودية فالبطولة.