عموتة: أهم حاجة فماتش الديربي هو ربحنا

عبر الحسين عموتة مدرب الوداد الرياضي على أنه فرحان من بعدما انتصر الفريق الأحمر فالديربي اليوم الأحد، على الرجاء فمؤجل الجولة 6 من البطولة الاحترافية لكرة القدم، وأكد على أن الرباح هو أهم حاجة فالماتش.
الحسين عموتة ومن بعد الرباح ديال الوداد فالديربي قال فتصريح له إن البيوتا ديال الواك جات فالوقت المناسب، وأن الماتش عرف تحولات كثيرة، حيث فالشوط الأول استغل الرجاء أخطاء فتمركز اللعابا ديال الوداد، خصوصا فالدفاع، لكن فالجولة الثانية كانت الحمرا أفضل ولعابا ديالو الوداد خلقو تقريبا 7 لفرص ماركاو منهم 2 وكانوا قراب يسجلو الثالث.
للإشارة فماتش الديربي سال لمصلحة الوداد الرياضي بنتيجة 2 مقابل واحد، وهاذ الرباح خلا الوداد ياخذ صدارة البطولة الاحترافية برصيد 14 نقطة.