الوداد داخل الديربي بلائحة قوية وعازم باش يربح الرجاء

غادي يلعب فريق الوداد الرياضي ماتش الديربي اليوم الأحد فستاد دونور، فمؤجل الجولة 6 من البطولة الإحترافية لكرة القدم، باش يحقق الرباح على الرجاء الرياضي ويرجع للصدارة.
واختار الحسين عموتة مدرب الوداد الرياضي لائحة قوية من اللاعابا ديال الفرقة باش يحقق الرباح وما يخلي حتى شي حاجة المفاجأة خصوصا وأن الأمر كيتعلق بماتش الديربي اللي كلشي فيه ممكن.
وكتكون لائحة الحسين عموتة فماتش الديربي من حراس المرمى رضا التكناوتي، ويوسف المطيع، ويانيس حنين، وأيوب العملود، والدفاع وحمزة أيت علال، ويحيى عطية الله، وأمين فرحان، والحسين بن عيادة، وأرسين زولا، وأمين أبوالفتح، وفوسط الميدان يحيى جبران، وهمام باعوش، ورضا الجعدي، وعبد الله حيمود، وإسماعيل المترجي، وأيمن الحسوني، والهجوم فيه كل من سيف الدين بوهرة، وزهير المترجي، ومحمد أوناجم، وجينيور سامبو، وحميد أحداد.
الوداد الرياضي عندو فرصة باش يرجع لصدارة البطولة ويخلي الغريم ديالو الرجاء الرياضي بعيد على مقدمة الترتيب، فحالة ربح ماتش الديربي اليوم الأحد، ولهاذ السبب فالمباراة عندها بزاف ديال الحسابات والفوز فيها مهم للحمرا.