جبران بعد الفوز فالديربي: زكلنا بزاف ضد الرجاء وكان ضروري نربحوهم

عبر يحيى جبران الكابيتان ديال الوداد الرياضي على الفرحة بالرباح اللي حققت الحمرا على الرجاء الرياضي فديربي كازا اليوم الأحد، وأكد أنه كان ضروري عليهم يربحو.
وقال يحيى جبران فتصريح لقناة الرياضية من الانتصار فالديربي وهو فرحان بالرباح، أن الوداد والرجاء قدمو ماتش كبير فالديربي اللي ماكانش ساهل، وأن الحمرا ضيعات بزاف الفرص اللي كان بإمكانهم يماركيوها، ولكن ربحو وكان ضروري عليهم يحققو الفوز فالماتش.
للإشارة فيحيى جبران ضيع ضربة جزاء فالشوط الأول من الديربي ضد الرجاء الرياضي، لكن هاذشي ما منعش الوداد من الرباح حيث ماركات 2 بيوت فالشوط الثاني مقابل واحد للرجاء.