كاريدو: مبروك للاعبين والجماهير الرباح على التواركة انتصار مهم والماتش ماكانش ساهل

عبر الإسباني كارلوس كاريدو مدرب الوداد الرياضي على السعادة ديالو بفوز الفريق على اتحاد التواركة برسم الدورة 23 من البطولة الاحترافية لكرة القدم، الشي اللي مكن الحمرا أنها تصعد للصدارة مرة أخرى.
وتحدث كاريدو من بعد الرباح ديال الوداد على اتحاد التواركة وقال: "كنبارك الفريق على الخدمة والأداء اللي قدم برافو عليهم وكنهنأ اللاعبين والجماهير بهذا الرباح، والفوز على التواركة مهم بزاف والماتش ما كانش ساهل وهذا الشي كنا عارفينو".
للإشارة فالوداد الرياضي ومن بعدما ربح فريق اتحاد التواركة طلع إلى صدارة البطولة الاحترافية مؤقتا برصيد 49 نقطة، وهذا الرباح مهم بزاف حيث كيجي قبل ماتش الفريق مع سيمبا التنزاني في ذهاب ربع نهائي عصبة أبطال إفريقيا.