حصة تدريبية أخيرة للوداد قبل ماتش التواركة وها جديد الحمرا

غينهي الوداد الرياضي الاستعدادات ديالو لمواجهة اتحاد التواركة فالماتش اللي غيجمع بين الفريقين غدا السبت بالرباط، برسم الدورة 23 من البطولة الاحترافية لكرة القدم.
Ad
00:00
/
00:36
Ad ends in 36s
غيتدرب فريق الوداد الرياضي اليوم بالليل بتيران بنجلون، وغتكون الحصة التدريبية هي الأخيرة للفريق قبل الماتش مع التواركة وغتعرف الصحة تواجد محمد أوناجم ورضا الجعدي اللي صالحهم رئيس النادي سعيد الناصيري مع المدرب كارلوس كاريدو حيث كان الأخير كاعي عليهم وبعدهم من ماتش الحمرا ضد اتحاد طنجة بكأس العرش.
أما وبالنسبة لجاهزية اللاعبين، فكاملين واجدين باستثناء أمين فرحان اللي موعت من بعدما تصاب ضد اتحاد طنجة ورضا التكناوتي اللي ديجا خضع لعملية قبل أيام، ومن المنتظر يخدم كارلوس كاريدو والطاقم التقني ديالو على الجانب البدني اللاعبين باش برفع من لافريشور عندهم في ظل الماتشات الكثيرة اللي لعبوا مؤخرا، وكذلك بستثمر الجانب النفسي باش يزيد يقوي لكروب خصوصا من بعد المعنويات اللي مرتفعة اثر التأهل إلى ربع نهائي كأس العرش والعراضة الفطور اللي جمع فيها الناصيري اللاعبين كاريدو وحل فيها الخلافات وصفى فيها النفوس وسط المجموعة ورضا خواطرهم.