لاعب مهم حاضر مع الوداد ضد الرجاء وها الحالة الصحية د اللاعبين قبل الديربي

غايكون الوداد الرياضي حاضر في ماتش الديربي ضد الوداد الرياضي الأربعاء المقبل بملعب المركب الرياضي محمد الخامس بالدار البيضاء، حاضر بجميع العناصر ديالو باستثناء حارس المرمى رضا التكناوتي.
Ad
00:00
/
00:20
Ad ends in 20s
وغايسترجع الوداد الرياضي المدافع ديالو أمين فرحان وهو واحد من ركائز الفريق الأحمر، واللي كان غاب على ماتش الحمرا البارح ضد شبيبة القبائلا الجزائري بعصبة أبطال إفريقيا حيث كان يالاه راجع من الإصابة.
البارح المدرب كارلوس كاريدو تجنب يدخل أمين فرحان، باش ما يغامرش به وقرر يخليه لماتش ديربي حيث أهم، واللاعب صبح واجد دابا وغايكون مع الفريق ضد الرجاء الرياضي.
ولإشارة فاللاعبين ديال الوداد الرياضي اللي راجعين من الإصابات كاملين بخير والصحة ديالهم مزيانة، سوا زهير المترجي أو رضا الجعدي اللي دخلو للماتش ضد شبيبة القبائل الجزائري كاحتياطيين أو الحسين بنعيادة اللي ظل بارك في الاحتياط.