الوداد داخل بتشكيلة قوية باش يربح إتحاد طنجة

غادي يدخل الوداد الرياضي بالعناصر ديالو الرسمية فالماتش ديالو ضد إتحاد طنجة مساء اليوم الأربعاء، ضمن مؤجل الجولة 5 من البطولة الإحترافية لكرة القدم.
وقرر الحسين عموتة يستقر فمواجهة إتحاد طنجة على نفس التشكيلة القوية اللي ربح بها ريفرز يونايتد النيجيري فالعصبة، باستثناء غياب جلال الداودي اللي توعت، وتغيير أرسن زولا، وغادي يعتمد على كل من حارس المرمى رضا للتاكناوتي، والظهيرين يحيى عطية الله، وأيوب العملود، وفوسط الدفاع أمين فرحان اللي غادي يدخل رسمي اليوم، والحسين بنعيادة، وفوسط الميدان يحيى جبران، ورضا الجعدي، وأيمن الحسنوني، والهجوم غادي يكون فيه كل من الجناحين بديع أوك، ومحمد أوناجم، رأس الحربة سامبو جونيور.
الوداد الرياضي غادي يدخل الماتش اليوم ضد إتحاد طنجة باش يربح ويستمر فصادرة البطولة الإحترافية، حيث إلى ربح غادي ينفرد بالمركز الأول وغادي يستغل تعثر الخصوم ديالو.