الوداد داخل بتشكيلة قوية باش يربح ريفرز النيجيري ويتأهل

قرر الحسين عموتة مدرب الوداد الرياضي يدخل بالأسماء الأساسية لماتش الفريق الأحمر ضد ريفرز يونايتد النيجيري اللي غادي يتلعب هذا العشية فستاد دونو بكازا فالروتور ديال دور 32 من دوري أبطال إفريقيا.
الحسين عموتة غادي يعتمد على تشكيلة قوية مكونة من كل من حارس المرمى رضا التاكناوتي، والظهيرين يحيى عطية الله، وأيوب العملود، وفوسط الدفاع أرسن زولا، والحسين بنعيادة، وفوسط الميدان يحيى جبران، وجلال الداودي، وأيمن الحسوني، والهجوم غادي يكون فيه كل من الجناحين بديع أوك، ومحمد أوناجم، رأس الحربة سامبو جونيور.
للإشارة فالوداد الرياضي داخل هاذ الماتش باش يربح بنتيجة واحد لزيرو على الأقل ويتحاوز خسران الألي ضد ريفيرز يونايتد فنيجريا بنتيجة 2 بيوت مقابل 1، ويتأهل لدور ليكروب من دوري أبطال إفريقيا.