زينباو مدرب الرجاء: سيطرنا على الماتش ضد التواركة وكنعانيو حيث ما وجدناش مزيان قبل الموسم

أكد الألماني جوزيف زينباور مدرب الرجاء الرياضي أن الأخير سيطر على الماتش ضد اتحاد التواركة اليوم الاحد، ضمن الجولة 4 من البطولة الاحترافية لكرة القدم، وأن الفريق الأخضر كيعاني من عدم الاستعداد اللي ماكانش مزيان قبل الموسم وحتى اللاعبين اللي جاو فالميركاتو ما واجدينش.
وتحدث جوزيف زينباور بعدما ربحو الرجاء الرياضي اتحاد التواركة بواحد لزيرو، وقال فتصريح له: "لعبنا مزيان فالشوط الأول، كنا مسيطرين على الماتش كان خاصنا غير نماركيو الفرص اللي جاونا، وعلى الأقل كنا نماركيو 2 بيوتا أو 3، وفالشوط الثاني بدلنا سيستيم ديالنا وحتى الفكر ديال اللاعبين حيث ما بقى عندنا ما نخسرو".
وكمل مدرب الرجاء، وقال: "ما وجدناش مزيان قبل ما يبدا الموسم، وجبنا لاعبين ما موجدينش بزاف وكاينين لاعبين اللي سنينا معهم فالمرحلة الأخيرة من الميركاتو، وكنشكر الجمهور ديالنا على الدعم اللي كيعطينا واللي محتاجين له".