المغربيات خسرو في الهند مع الميريكانيات وتقصاو من مونديال الناشئات

ودع المنتخب الوطني المغربي النسوي لأقل من 17 عام، كأس العالم ديال الناشئات اللي كتحتضنها الهند، من بعدما خسر مع منتخب ميريكان اليوم الاثنين، فالجولة الثالثة من دور ليكروب فالبطولة.
وخسر المنتخب المغربي بنتيجة 4 لبيوتا لزيرو مع المريكيانيات، اللي ماركاو فالشوط الأول بيت واحد، ورجعو فالشوط الثاني وضربو 3 لبيوت على المغربيات اللي ما قدروش يقاومو القوة الهجومية ديال بنات عمي سام.
وسالات المشاركة ديال المنتخب الوطني المغربي النسوي فكأس العالم لأقل من 17 عام، باحتلالو المركز الثالث برصيد 3 بوان خذاها ملي ربح الهنديات، أما الميريكان والبرازيل فتاهلو للدور المقبل برصيد 7 نقاط، وتقصات الهند اللي مستاضفة البطولة من بعدما احتلت المركز الأخير برصيد زيره بوان.