ها وقتاش غادي تعرف الفرق المغربية خصومها إلى تأهلات فدور الكروبات فالعصبة وكأس الكاف

غادي يتعرفو الممثلين لكرة القدم المغربية على الخصوم ديالهم فدور ليكروب من دوري أبطال إفريقيا وكأس الكونفدرالية الإفريقية فشهر نونبر المقبل، فحالة تجاوز دور 32 من البطولتين.
وحدد الإتحاد الإفريقي لكرة القدم يوم 18 نونبر المقبل، موعد لإجراء قرعة ليكروب فدوري أبطال إفريقيا واللي كتعرف مشاركة الوداد الرياضي حامل اللقب والغريم ديالو الرجاء الرياضي.
ونفس اليوم حددو الكاف أيضا لإجراء قرعة كأس الكونفدرالية الإفريقية، واللي كتعرف مشاركة نهضة بركان والجيش الملكي، وغادي تقام القرعة ديال البطولتين فالعاصمة المصرية القاهرة.
للإشارة فذهاب دور 32 من المسابقتين الإفريقيتين في عرفت نتائج متباينة بالنسبة للفرق المغربية فانتظار يلعبو الرتور، بحيث الرجاء فاز على نيجليك فالنيجر بهدفين لزيرو فالصعبة وبالمقابل خسر الوداد حامل اللقب بهدفين لواحد فنيجريا مع ريفيرز يونايتد، وكأس الكاف خسر نهضة بركان حامل اللقب فنيجريا مع كوارا بنتيجة 3 لزيرو أمام الجيش الملكي فضرب بقوة وربح فالرباط أشانتي الغيني بنتيجة 4 لزيرو.