مدرب منتخب الناشئات فرحان بالمغرب حيث ربح أول ماتش فالمونديال وكيشكر الجامعة – فيديو

عبر أنطوني ريماسون مدرب المنتخب الوطني المغربي النسوي لأقل من 17 عام على السعادة ديالو بالفوز اللي حقق اليوم ليكيب ناسيونال على الهند فكأس العالم للناشئين واللي هو أول رباح المغرب فالمونديال.
وأكد انطوني ريماسون من بعدما ربح المغرب الهند بنتيجة 3 أهداف لزيرو، أن الماتش ضد الهندية ما كانش ساهل فالجولة الأولى، قبل ما يتمكن المنتخب الوطني من تسجيل 3 لبيوت فالشوط الثاني.
الناخب الوطني عبر على الفخر ديالو بالبنات فالمنتخب الوطني، وقال على أنه فخور بالمغرب وحيث شارك فهاذ الرباح التاريخي ديال كرو القدم النسوية المغربية، وشكر الجامعة الملكية المغربية لكرة القدم وأكد أن هذا جا نتيجة الخدمة اللي دايرا.
وحقق المنتخب الوطني المغربي النسوي لأقل من 17 عام اليوم الجمعة، أول رباح له فكأس العالم للناشئين فأول مشاركة من بعدما ربح الهند فدرو ليكروب، وكان خسر فالماتش الأول مع البرازيل بصعوبة بواحد لزيرو ودار ماتش كبير، وكيتسناه ماتش فالجولة الأخيرة ضد ميريكان.