تيكي ماتش الوداد وريفرز النيجيري سالا وجمهور الواك باغي التأهل فالعصبة

غادي يتلعب ماتش الوداد الرياضي ريفرز يونايتد النيجيري اليوم فتيران المركب الرياضي محمد الخامس بالدار البيضاء إبتداء من الساعة 8 ديال الليل، ضمن إياب دور 32 من دوري أبطال إفريقيا بشبابيك مغلقة.
وسالا التيكي ديال ماتش الوداد وريفرز النيجيري هاذ الصباح، وبالتالي المباراة غادي تلعب بشبابيك مغلقة، ومن المنتظر يكون ستاد دونور عامر كولو بجمهور الوداد الرياضي اللي طلق حملة قبل يومين تحت شعار "نتلقاو فدونور"، الأمر اللي جعل أنصار الفريق الأحمر يشريو ليتيكي ديال ليزون كاملين اللي فالتيران.
وكتسعى جماهير الوداد الرياضي باش تقدم الدعم والمساندة للفريق الأحمر اللي عندو ماتش حاسم ضد ريفرز يونايتد النيجيري، ومطالب بتحقيق الرباح بهدف واحد لزيرو على الاقل لتجاوز خسران ماتش الألي فنيجريا بهدفين لهدف واحد والتأهل إلى دور المجموعات فدوري أبطال إفريقيا للمرة 8 على التوالي، وهو إنجاز فحالة تحقق اليوم، غادي يكون الواك أول فريق مغربي كيحققو.