أمين حارث غادي يرجع لأولمبيك مرسيليا

غيرجع الدولي المغربي أمين حارث يلعب مرة أخرى مع فريق أولمبيك مرسيليا الفرنسي، قادما إليه من شالكة الألماني فالانتقالات الصيفية الجارية.
وقدر أولمبيك مرسيليا يحصل على الخدمات ديال أمين حارث مرة، وهذا حسب الإعلامي الإيطالي فابريسيو رومانو المتخصص فالانتقالات ديال الاعبين والمدربين فأوروبا.
وقال فابريسيو رومان فتدوينة نشرها قبل لحظات ففيسبوك: "المغربي أمين حارث إلى أولمبيك مرسيليا الفرنسي، صفقة الانتقال تم الاتفاق عليها كإعارة مع إمكانية شراء العقد، والتوقيع سيتم قريبا".
للإشارة فكان أمين حارث تألق الموسم الماضي مع أولمبيك مرسيليا الفرنسي، اللي لعب له بريطي من شالكة الألماني قبل ما يرجع اللاعب إلى صفوف الأخير فالصيف الجاري، لكن الفريق الألماني كان صعيب يحافظ عليه بسبب الصالير ديالو.
https://m.facebook.com/story.php?story_fbid=pfbid02KVtNHWE2UKpxRitAiLjXsQUPxgt79gtf9MMofsskwumW5fRGTbr2X2KDzQc2GHdEl&id=100057525006204