حاليلوزيتش صدم الأهلي المصري

فاجأ وحيد حاليلوزيتش المدرب السابق ديال المنتخب الوطني المغربي، المسؤولين ديال الأهلي المصري وتراجع على تدريب الفريق ديالهم من بعدما كانو تفاوضوا معه باش يسنيو معه.
وكشف النجم السابق ديال الأهلي المصري أحمد شوبير على الحساب ديالو ففيسبوك، أن المدرب البوسني وحيد حاليلوزيتش ماغايوقعش مع فريق الأهلي.
أحمد شوبير قال: "حاليلوزيتش خارج حسابات الأهلى لأن المدرب يفضل العمل مع المنتخبات وليس الأندية، وينتظر عرضاً من أحد المنتخبات خلال الفترة المقبلة".
وكان الأهلي المصري دخل فمفاوضات منذ مدة مع وحيد حاليوزيتش، من بعدما تمت الإقالة ديالو من تدريب المنتخب الوطني المغربي.
وحيد حاليلوزيتش من بعد الرحيل عن المنتخب المغربي، خرج مع إحدى المواقع البوسنية وكشف أنه عندو عروض من منتخبات وأندية، واللي باغيين الخدمات ديالو، لكن هو كيفضل دابا يدوز الوقت مع العائلة ديالو.
https://m.facebook.com/story.php?story_fbid=pfbid0FxuAEKVDMXvbJLQFmgYAkvpnmrmk9Nf4atcDsFUBRB3LrnNzgmjZ7TbHFidndRLrl&id=100044595092196