وقفو التصوير ديال فيلم من بطولة أمين الناجي بعدما ممثلة تصابت بكورونا

بزاف ديال الأفلام لي غادي دوز في رمضان الجاي بداو التورناج ديالها بكري هاد العام باش ميوقعش بحال العام لي فات بسبب التدابير لي تفرضات في المغرب مع جايحة كورونا.
والتبرگيگة لي جابت "كود" أن مسلسل من بطولة الممثل أمين الناجي وقف التورناج كامل في كازا بعدما تصابت ممثلة ضمن الفريق بكورونا.
كلشي خايف على راسو داكشي علاش مخرج المسلسل والناس ديال البرودوكسيون قررو انهم يوقفو التصوير، وكلشي يدير التيست حتى يتأكد أن الطاقم بيخير وعلى خير، عاد يرجعو يتورنيو.
كورونا عطات ضربة قاسية بزاف للمجال الفني، ولاباس هادشي قريب يسالي بما أن عملية التلقيح غادي تبدا في الأيام الجاية.