الإشهارات ديال رمضان كاملة بحال بحال.. الإبداع والو وماكين غير كوبي كولي

البارح، اول يوم في رمضان، وكيف العادة الإشهارات في التلفزة طاحو بحال الشتا في القنوات المغربية، ماكاين غير اشهار تابع إشهار لمدة ديال كثر من 6 دقايق.
هاد الإشهارات كاملة بحال بحال مخدومة بنفس الطريقة ومفيهاش حس الإبداع، تقول غير مخرج واحد هو لي شاد سوق الإشهارات في المغرب ونفس الطريقة كيطبقها على أي بروجي جا في يدو.
العنوان الرئيسي ديالهم كاملين هو نبقاو في الدار، وهادشي لي خاصنا كاملين نديرو حتى دوز جايحة كورونا، لكن كيبان أن كلشي مخدوم في الدقيقة 90 وكلشي اختار الساهلة، والدليل أن حتى اشهار مافيه موشن كَرافيك ولا تقنية 3دي ولا شي حاجة مميزة.