فضيحة جديدة فكازا.. تجمع خطير فالدرب الكبير من بعد وصول مرا تشافات من كورونا- تصاور

هاذي فضيحة جديدة كتنضاف لفضيحة كَنازة عين الشق، واحد السيدة يالاه تشافات بكورونا استقبلوها عرام ديال البشر فالدرب الكبير، ودارو تجمع فيه عشرات الأفراد، معرضين حياتهم وحياة غيرهم للخطر فهذ الأزمة الوبائية.
السيدة يالاه رجعات لدارها فالدرب الكبير اليوم الجمعة قبل المغرب، والناس تجمعو عليها بشكل كبير، فغياب أي تدخل أمني لتفريق هذ الجموع الخطيرة، اللي كتشكل خرق واضح لحالة الطوارئ الصحية.
وغير هذي أيام تنشر فيديو كَنازة عين الشق اللي حضرو ليها المئات وتوثق بالفيديو، واللي مشاو فيه الناس من عين الشق حتى لمقبرة سيدي مسعود، وتوقف بسبابو القايد المسؤول على هاد الفضيحة.