فضيحة صلاة الجنازة فعين الشق: الميت تقتل والگنازة دارت فكاع شوارع المنطقة – فيديو

حصلت "كود" على معطيات جديدة على فضيحة "عين الشق" فكازا والصلاة الجنازة اللّي دازت في غياب السلطات المحلية. هاد الفضية طيحرات رئيس الملحقة الإدارية عين الشق اللّي قرر وزارة الداخلية باش توقفو، وذلك في انتظار نتائج البحث الإداري الدي تم فتحه، لترتيب المسؤوليات واتخاذ الإجراءات التأديبية والإدارية الضرورية على ضوء ذلك.
وقالت مصادر مطلعة ل"كود" أن السيد اللي مات كان تقتل فشي جريمة قتل بحي "درب الخير" الزنقة 15 بعمالة مقاطعة عين الشق، وهي الزنقة اللي بدات فيها الجنازة في خرق واضح لحالة الطوارئ الصحية التي فرضتها الدولة.
وماشي غير هادشي. الجنازة حسب مصادر "كود" دازت على أهم شوراع عين الشق، ومن بينها شارعي 2 مارس والقدس مرورا بشارع محمد السادس. يعني الناس دارو كنازة على حقها وطريقها بمشاركة المئات من الناس وبلا ميكون حتى شي تدخل من السلطة المحلية.
هاد الجنازة وصلات حتى لمقبرة سيدي مسعود. لفضيحة خرجات ففيديو تم نشره وتداوله بشكل واسع على مواقع التواصل الاجتماعي، وجاب الربحة للقايد المسؤول المباشر على هادشي.
فالحقيقة حگرو على القايد. هادي خاص بزافت الريوس تطيح ماشي غير القايد.