رضوان الرمضاني كلاشا زينة الداودية بعدما دارت أغنية على ملك السعودية: بهاد الاغاني ديال الذل اشمن عز خليتو لينا

المغنية الشعبية زينة الداودية دارت الضحك في راسها بأغنية “سلمان الحزم” على ملك السعودية.
الصحافي رضوان الرمضاني علق على الموضوع وكتب في بوسط على صفحتو في فايسبوك :”زينة الداودية تغني للملك سلمان وتقول: “من مغرب العزة نغني وفانا… للشرق جينا لك يا سيدي ملبين”.
زينة الداودية تغني للملك سلمان وتقول: "من مغرب العزة نغني وفانا… للشرق جينا لك يا سيدي ملبين"… ألالة زينة، بغيتي…
Publiée par Ridouane Erramdani sur Vendredi 17 janvier 2020
وأضاف :”ألالة زينة، بغيتي تغني ليه باش تجمعي الصرف شغلك هاداك، ولكن غني ليه عطيني صاكي وما جاورها، أما “مغرب العزة” و”جينا لك”… شكون نتوما نعام ألالة؟؟ هضري بسميّتك… واش فاهمة آش كتغني ولا لا؟؟؟”.
وكمل تدوينتو “بهاد الاغاني ديال الذل اشمن عز خليتو لينا… عيب عليك يا زينة”.
كلام الرمضاني كامل في محلو وعندو الصح، وهادشي لي جا في التعاليق، كثر من 400 شخص قالو أن الداودية معندها كرامة غنات بطريقة مبتذلة باش ضبر على راسها وتحل بيبان الغنا فالسعودية.