الرمضاني رفع الجلسة ف”قفص الاتهام”. قال ل”كود” على برنامجو الجديد: أسلوبي فالحوار ما عمرو غادي يتبدل

البارح الاعلامي رضوان الرمضاني علن رسميا على نهاية برنامج “في قفص الاتهام” لي كيدوز في “ميد راديو” من بعد 8 ديال المواسم استضف فيها المئات ديال الضيوف/المتهمين، فيهم سياسيين وحقوقيين وممثلين ومغنيين ومشاهير وزيد وزيد.
الاعلان ديال الجلسة الأخيرة اختار الرمضاني يديرو على صفحتو في فايسبوك، واسترجع من خلال تدوينتو ذكريات أول الحلقات ديال البرنامج لي بدا بتصويرو بكاميرا ديال التلفون قبل ما يولي واحد من أشهر البرامج، عندو طاقم من المخرج ونت نازل.
“كود” تواصلات مع الرمضاني وحاجة وحدة لي أكد عليها أن الأسلوب ديالو في الحوار ما عمرو غادي يتبدل في جميع المجالات، واضاف انه كيوجد برنامج جديد مابغاش يكشف على تفاصيلو حاليا.
وهادي هي التدوينة الطويلة لي دوا فيها الرمضاني على نهاية البرنامج:
رُفعت الجلسة…في مثل هذا الوقت من عام 2011 كنا بصدد التحضير لبرنامج جديد. العنوان: "في قفص الاتهام". لم نفكر في الأمر…
Publiée par Ridouane Erramdani sur Jeudi 12 septembre 2019