الغيابات مبرزطة السلامي فماتش فيتا كلوب.. دا معاه 4 لعابة جداد

الغيابات مبرزطة جمال السلامي، مدرب الرجاء البيضاوي فالماتش ديال اليوم الجمعة كونتر فيتا كلوب الكونغولي مع الخمسة ديال العشية برسم مسابقة كأس دوري ابطال إفريقيا.
الغيابات والارهاق وقوة فيتا كلوب خلات السلامي يتخوف من الماتش بزاف، زيد على هاد الشي كامل أرضية ملعب الشهداء بكينشاسا لي خايبة وتقدر تؤثر على مستوى اللاعبين..
الرجاء غادي يكون في مهمة صعيبة، بسبب غياب ركائز مؤثرة بحال بدر بانون وبين مالانگو، وعمر العرجون وعبد الإله الحفاظي وعمر بوطيب، إضافة أن بعض اللعابة يفتقدون للتنافسية بحال محمد بنحليب.
جمال السلامي اضطر إلى توجيه الدعوة ل4 ديال لعابة باش يمشيو مع الرجاء واخا ما لعبوش ماتشات كثيرة ويتعلق الأمر بعبد الرزاق غازوت وزكرياء الهبطي وعبد الأله مذكور ثم أمير الحداوي، الشي لي غادي يخلي السلامي يدير تغييرات فالتشكيلة حسب الخطة باش يلعب.
صعوبة ماتش فيتا كلوب تتحلى كذلك في الهزيمة لي تعرض ليها الرجاء بملعب مركب محمد الخامس فالدار البيضاء بجوج لزيرو في الجولة الأولى من عصبة الأبطال.