السلامي: ما بغيتش نغامر بالحافظي والعرجون فماتش فيتا كلوب لحقاش التيران خايب

جمال السلامي، مدرب الرجاء البيضاوي اعتبر الماتش ديال فيتا كلوب غدا (الحمعة) بملعب الشهداء في كينشاسا، برسم الجولة الثانية من مسابقة كأس الكونفدرالية الإفريقية لكرة القدم، مهم جدا في إعادة التوازن للفريق.
وقال السلامي في تصريحات صحافية بعد السفر الى الكوتگو، أن اللاعبين واجدبن ومستعدين باش يربحو وخا المهمة ما غاديش تكون ساهلة، لحقاش فيتا كلوب غادي يحاول يرد الدين، بعدما خسر اللقب أمام الرجاء قبل عامين.
واضاف السلامي أن الرجاء مطالب بانتزاع ثلاثة ديال النقاط، باش يرجع فلاكورس، بعدما خسر قدام الترجي التونسي نهار السبت لي فات في ملعب مركب محمد الخامس فالدار البيضاء بجوج لزيرو.
السلامي تكلم على ماتش الترجي واتهم الحكم الجنوب افريقي فيكتور بحرمان الرجا من ضربة جزاء واضحة.
وأكد السلامي أنه ما بغاش يغامر بعبد الإله الحافظي وعمر العرجون فالماتش ديال فيتا كلوب، لحقاش التيران خايب بزاف.