تفاصيل جديدة عما وقع فعكاشة.. “سخان” ديال الما طرطق وها اللي مشى للصبيطار

شهد السّجن المحلي عين السبع فكازا المعروف ب”عكاشة” زوال اليوم الأربعاء، حالة استنفار وهلع كبير في صفوف نزلاء هاد المؤسسة السجنية. هاد الهلع تسبب فيه واحد السخان ديال الما طرطق فوجه شي تقنيين كانو كيديرو ليه الصيانة.
وحسب مصادر من داخل الحبس ديال عكاشة، ل”كود”، فإن هاد الحادث خلف إصابة فصفوف جوج ديال التقنيين تابعة لواحد الشركة خاصة اللّي مكلفة بتدبير الصيانة ديال سخان الماء، مشيرة إلى أن هاد المصابين كانو خدامين ونساو شي حاجة مصوبوهاش مزيان وطرطق فيهوم داك السخان.
دبا المصابين داوهوم لصبيطار لتلقي العلاجات الضرورية. المصادر نفسها قالت ان الحالة ديالهوم مستقرة ولا تدعو للقلق.