نايضة تغربيل فوزارة الاتصال: جُوجْ مدراء مركزين طارو من بلاصتهوم

علمت “كود”، من مصدر مطلع، أن وزير الثقافة والاتصال، محمد الأعرج، أصدر قرارين بشأن فتح الترشيح لشغل مناصب مركزية بوزارة الاتصال والثقافة – قطاع الاتصال. هاد المنصبين كانو فيهوم شي وحدين وقرر الوزير يعيد النظر فيهوم من جديد.
وحسب المصدر نفسه، ل”كود”، فإن الأمر يتعلق بمنصبي مدير البوابة الوطنية والتوثيق ومدير الموارد البشرية والمالية داخل وزارة الاتصال، مشيرة إلى أنه ينتظر أن يواصل الوزير الأعرج خلال الأيام القليلة المقبلة حملته التطهيرية داخل مديريات مركزية بقطاع الاتصال.
الوزير الأعرج قرر القطع النهائي مع المسؤولين لي بقاو فالكراسي ديالهوم هادي سنوات وكانو محميين من قبل جهات كبيرة. ودبا جا الوقت ديال كول واحد لي عارفو الوزير مزيان. المهم الحملة التطيهيرة بداها حيتاش دبا زات عام على التنصيب ديالو كوزير وبغا يشوف شنو قدمو هاد المسؤولين طيلة هاد السنة.
المهم كاين لي كيقول وكيشوف ان الوزير ظريف ومغاديش يقيص فيه راه مخطئ. صحيح أنه ظريف وديما مبتسم لكن في نفس الوقت كيعرف آش كيدير وعارف مزيان مزيان شنو واقع فالقطاع ديال الثقافة والاتصال وغادي ياخد قرارات فالوقت المناسب ومغادي يقولبو حد.