زياش جاوب اللي قالو عليه تزوج ومخبي المدام

راجت مؤخرا معلومات فمواقع التواصل الاجتماعي على النجم المغربي حكيم زياش لاعب گلطة سراي التركي، وانه تزوج مخابي المدام وما باغي حد يعرف.
حكيم زياش خرج بتدوينة جديدة على أنستگرام، جات ورا هذا الشي اللي راجع حول انه تزوج ومخبيها، وقال: "ما كاينة حتى حاجة باش نأكدوها".
وديما حكيم زياش، فاللاعب بدا كيرجع يلعب ودخل كبديل مع گلطة فأخر ماتش للفريق التركي، وهذا الشي قبل ايام من إعلان الناخب الوطني وليد الركراكي على لاليست المنتخب المغربي لوديتي أنگولا والمغرب.