جمهور كلطة سراي فرحان بحكيم زياش.. طلعوه للفيراج وداروه كابو عليهم

دارت جماهير كلطة سراي التركي استقبال خاص وفريد من نوعو للنجم المغربي حكيم الزياش، باش ترحب به فالفريق اللي جاليه من تشيلسي الانجليزي.
واستغلت جماهير كلطة سراي تواجد حكيم زياش فالتيران اللي جا له باش يتفرج فماتش الفريق ضد ترابزون سبور، ضمن منافسات البطولة التركية، وطلعتو الفيراج وداروه كابو عليهم والماتش بادي.
الجمهور ديال كلطة سراي حيح مزيان وهو كيحتفل بالنجم حكيم زياش، وفرحان بهاد الصفقة، واللاعب المغربي حتى هو كان ناشط وكيغني معهم، وهذا الشي كيعطي مؤشرات بأن المرحلة المقبلة ممكن تكون زوينة فالكاريير ديالو، بعدما دازت عليه فتشيلسي.