جمهور گلطة سراي باغي الخدمة فبلهندة.. واخا ماركا طلبو منو يمشي بحالو

جمهور گلطة سراي مازال باغي الخدمة فيونس بلهندة، لاعب المنتخب الوطني رغم كل ما قدمه فالماتشات لي فاتت.
بلهندة ماركا البارح بيلانتي فماتش غوتشو برسم الجولة 15 من منافسات الدوري التركي.
گلطة سراي كان رابح بجوج لزيرو لكنه ضيع ثلاثة ديال النقاط ف 10 دقائق الاخيرة، بعدما رجع فريق غوتشو من تسجيل هدفين متتاليين.
بلهندة دار ماتش مزيان وقدم عرض جيد، لكنه لم يسلم من الانتقادات من طرف جمهور گلطة سراي التركي، سواء بالملعب أو عبر مختلف مواقع التواصل الاجتماعي.
وبان بلي الجمهور ما باغيش بلهندة يبقى فالفرقة واخا يدير لي دار ، إذ مازال كيطالب برحيله عن الفريق فالميركاتو الشتوي.
بلهندة ماركا 4 ديال الأهداف هاد العام، إضافة إلى تمريرات حاسمة، وما شي بعيد يقدر يمشي لفريق اخر، خاصة بالخليج العربي، بعدما دخل النصر والهلال السعوديين على الخط من أجل التعاقد مع اللاعب المغربي.
وكان بلهندة غاب على الماتشات ديال المنتخب المغربي أمام موريتانيا وبوروندي كما غاب على جوج ماتشات ودية كونتر ليبيا والگابون.