حكيمي تجاوز صدمة الإقصاء من كاس إفريقيا ورجع ناشط لتداريب PSG

تجاوز الدولي المغربي أشرف حكيمي صدمة الإقصاء من ثمن نهائي كوب دافريك مع المنتخب الوطني المغربي ضد جنوب إفريقيا، فماتش كان ضيع فيه حكيمي ضربة جزاء كانت قادرة ترجع الأسود للمباراة وتخليهم فالمسابقة.
وبعد سيمانة على الإقصاء مع المنتخب المغربي من كوب دافريك، رجع النجم المغربي اشرف حكيمي اليوم الثلاثاء لتداريب الفريق ديالو باريس سان جرمان الفرنسي، ومشارك فهاد اللحظات فحصة تدريبية هي الاولى له مع الفريق الفرنسي ملي رجع من كوب دافريك.
ومن خلال الملامح والضحكة ديال حكيمي وهو كيسلم على صحابو فالحصة التدريبية، كيبان انه مرتاح نفسيا وقدر يتجاوز الصدمة الكبيرة اللي جاتو بسبب اقصاء المنتخب المغربي من كاس افريقيا، خصوصا وانه هو اللي زگل البيلانتي اللي كان يقدر يجيب به التعادل للأسود ويرجعهم فالماتش ضد جنوب إفريقيا ويخليهم فالبطولة.