غيلعب. ما غيلعبش. زياش تدرب بوحدو فآخر انترينمون قبل ماتش جنوب إفريقيا

خالد التيجر گود سبور سان بيدرو //
داير الطاقم التقني والطبي ديال المنتخب الوطني المغربي، مجهودات كبيرة باش يوجدو حكيم زياش لماتش غدا الثلاثاء ضد منتخب جنوب إفريقيا، برسم ثمن نهائي كوب دافريك 2023، فسان بيدرو الايفوارية.
وعرفت الحصة التدريبية ديال المنتخب المغربي الأخيرة قبل ماتش جنوب افريقيا، واللي كانت فتيران التداريب فسان بيدرو اليوم الاثنين فالعشية، مشاركة النجم المغربي حكيم زياش اللي تدرب ولكن بوحدو ماشي مع گروب اللعابا.
وكحاولو الطاقم التقني والطبي للمنتخب المغربي يوجدو حكيم زياش لماتش جنوب افريقيا، بعد الاصابة اللي جاتو ضد زامبيا فدور المجموعات، ودايرين له بروگرام خاص والساعات المقبلة هي اللي غتحسم إذا كان غيلعب ضد لافريك دي سيد سوا رسمي او على الاقل احتياطي، او ان الناخب الوطني وليد الركراكي غيقرر يخليه گالس.