إشبيلية: يوسف النصيري فيه فيروس

كيعاني الدولي المغربي يوسف النصيري مهاجم اشبيلية الاسباني من مرض حاليا، خلاه يغيب على تداريب الفريق الاندلسي.
وكشف إشبيلية الاسباني فبلاغ له على الحالة الصحية ديال لاعبيه، ومن بينهم يوسف النصيري واكد انه غاب اليوم الثلاثاء على تداريب الفريق أيضا بعدما غاب البارح الاثنين، وهذا الشي حيث عندو اصابة بشي فيروس بدون ما يكشف شنو هو نوع الفيروس اللي عندو.
ومن المنتظر يديرو اشبيلية الاسباني حصة تدريبية جديدة غدا الأربعاء، ضمن استعدادات الفريق لمنافسات البطولة الاسبانية نهاية الاسبوع، وكلشي كيتسنا واش يوسف النصيري برا وغيقدر يكون حاضر مع الفريق غدا فالتداريب.