يوسف النصيري وياسين بونو موعتين قبل أيام من كأس العالم وها الحالة الصحية ديالهم

كيعاني كل من الدوليين المغربيين يوسف النصيري وياسين بونو من الإصابة وهاذشي قبل أيام فقط على انطلاق كأس العالم فقطر.
وكشف خورخي صامباولي مدرب إشبيلية الصبليوني الفريق اللي كيلعب فيه الثنائي المغربي، أن يوسف النصيري تعرض للإصابة وعندهم أمل باش ما يطولش كثر من سيمانا فالراحة والعلاج.
أما بخصوص ياسين بونو فكشف مدرب إشبيلية أنه كيعاني من مشكلة في أوتار الركبة وما غاديش يتدرب بشكل طبيعي وغادي يتسناو حتى غدا باش بشوفو واش ممكن يكون واجد أو لا غادي تخصو الراحة مازال.
كيسود جو من الترقب وسط الطاقم التقني ديال المنتخب الوطني المغربي وأيضا الجمهور المغربي اللي مبرزط بزاف بخصوص الحالة الصحية ديال عدد من الدوليين المغاربة قبل المونديال من بينهم يوسف النصيري وياسين بونو، وكاين تخوف كبير لا ميكونوش مع ليكيب ناسيونال فكأس العالم.