أنجي الفرنسي استقبل أوناحي وبوفال ومحتافل بإنحازهم مع المغرب فالمونديال

بادر فريق أنجي الفرنسي للاحتفال بالدوليين المغربيين عز الدين أوناحي وسفيان بوفال، من بعد الإنجاز التاريخي اللي حققوه مع المنتخب الوطني المغربي باحتلال المركز الرابع فكاس العالم قطر 2022.
واستغل انجي الفرنسي الماتش ديالو ضد فريق لوريان ضمن الجولة 17 من بطولة فرنسا، واللي بدا قبل لحظات، واحتفل أنجي بكل من عز الدين أوناحي وسفيان بوفال، واللي يالاه رجعو للفريق من بعدما كانوا فعطلة لمدة 10 أيام، وكرمهم قبل انطلاق المباراة على الإنجاز ديالهم مع المنتخب المغربي مع العلم أن اللاعبين ما لاعبينش الماتش وجاو يتفرجو ويساندو الزملاء ديالهم من ليكردان.
للإشارة فكل من عز الدين أوناحي وسفيان بوفال من المنتظر ينتقلو من فريق أنجي الفرنسي خلال الميركاتو الشتوي المقبل، حيث الأول مطلوب فعدد من الفرق الأوروبية الكبيرة والثاني مطلوب فالخليج وهذا الأمر كيتعتبر فرصة بالنسبة للفريق الفرنسي باش يدخل فلوس.