"الفيفا": ها التشكيلة اللي غادي يدخل بها الركراكي ضد كندا

توقع الإتحاد الدولي لكرة القدم "الفيفا"، يبدا الناخب الوطني وليد الركراكي الماتش ضد كندا اليوم الخميس فالجولة الثالثة من كأس العالم قطر 2022، بيحيى عطية الله بلاصة نصير مزراوي ويلعب أشرف حكيمي وسليم أملاح وحضور ياسين بونو.
وكشف الإتحاد الدولي لكرة القدم على التشكيلة المتوقعة اللي غادي يلعب بها المنتخب الوطني المغربي ضد منتخب كندا اختار يكون 11 لعاب اللي غادي يبداو الماتش من المغرب هم لكول ياسين بونو، وأشرف حكيمي ونايف أكرد، وغانم سايس، ويحيى عطية الله، وعز الدين اوناحي، وسفيان أمرابط، وسليم أملاح، وحكيم زياش ويوسف النصيري، وسفيان بوفال.
للإشارة فيحيى عطية الله كيتعتبر من اللعابا اللي خالقين الحدث فكأس العالم قطر 2022 حتى لدابا حيث دار 2 ماتشات كبار ضد كرواتيا وبلجيكا، أما بخصوص أشرف حكيمي فكتحوم الشكوك حول المشاركة ديالو اليوم مع المنتخب ضد كندا، هو سليم أملاح حيث خرجو من الكازون البارح قبل ما تبدا الحصة التدريبية الأخيرة اللي كتسبق الماتش والناخب الوطني وليد الركراكي لمح فالندوة الصحافية بلي كاينين إصابات فليكيب ناسيونال، فالوقت اللي غادي يكون لكول ياشين بونو حاضر من بعدما غاب الماتش اللي فات ضد بلجيكا حيث كانت جاتو الدوخة.