حكيمي وأملاح خرجو من التيران فالحصة التدريبية قبل ماتش كندا.. واش مازال موعتين ؟

كتعرف الحصة التدريبية ديال المنتخب الوطني المغربي الأخيرة قبل ماتش غدا الخميس ضد كندا فالجولة الثالثة فكأس العالم قطر 2022، عدم مشاركة كل من أشرف حكيمي وسليم أملاح.
وما شاركش كل من أشرف حكيمي وسليم أملاح فالاحماءات فالبدية ديال الحصة التدريبية، وحضرو الاجتماع ديال وليد الركراكي مع اللعابا وخرجو من الكازون ديال التيران، فالوقت اللي مشاو صحابهم كيديرو تمارين باش يسخنو، الشي اللي كيخلي الجمهور المغربي يسول على الجاهزية ديالهم لماتش كندا، اواش مازال كيعانيو من الإصابة.
وكان وليد الركراكي أكد فالندوة الصحافية اللي الإصابات فالمنتخب الوطني المغربي بدات قبل ما ينطلق كأس العالم، وكانت فالماتش الأول ضد كرواتيا والثاني ضد بلجيكا، وقال بلي اللعابا واجدين وكلشي باغي يلعب.