قبل أيام على المونديال.. سفيان بوفال موعت ومتدربش مع أنجي

من المنتظر يغيب الدولي المغربي سفيان بوفال نجم انجي الفرنسي على ماتش فرقتو ضد موناكو فبطولة فرنسا الأحد الجاي حيث موعت، وهاذشي قبل أيام من إنطلاق كأس العالم واللي معول عليه المنتخب باش يشارك معه فيها.
وكشف مدرب انجي جرار باتيكال فتصريح له أن النجم المغربي ما تدربش مع انجي اليوم الجمعة، حيث كيحس بشي ألم وأكد على أن اللعاب غادي يخضع لفحوصات الطبية باش تكشف على نوع الإصابة اللي عاندو.
وكايجي هاذ المستجد قبل أيام فقط على إنطلاق كأس العالم فقطر، حيث بوفال كيتعتبر لعاب أساسي فالمنتخب الوطني المغربي، الامر اللي غادي يحط الناخب الوطني وليد الركراكي فموقف صعيب بزاف فحالة كانت الإصابة ديال بوفال خطيرة، وغادي يخليه يبحث على حلول أخرى.